The School - Timetable and prices

Dende 1990, Brincadeira imparte clases de baile, pandeireta e canto, gaita e percusión tradicionais (tambor e bombo), dirixidas a persoas de todas as idades. Á escola asisten, na actualidade, unhas 100 persoas.

Unha parte importante do material a partir do que se traballa nas diferentes aulas de Brincadeira é aquel que os directores artísticos das diferentes seccións da asociación recuperan por todo o país. Continuamos así, xa que logo, co labor de divulgación da nosa tradición que o grupo considera importante obxectivo.

Mestres e mestras

Pandereteira: Felisa Segade

Felisa Segade é mestra de pandeireta, directora artística de pandereteiras e bailadora do grupo Brincadeira, do que levou a dirección artística nos anos 2002 e 2003. É compoñente do grupo de pandereteiras Leilía dende a súa formación e imparte clases de música e baile tradicionais noutras agrupacións e en cursos convocados por diferentes organismos. O traballo de campo realizado por Felisa Segade constitúe a base da maior parte do repertorio do grupo de pandereteiras, así como do que se ensina na sección de pandeireta e canto da escola.

Baile: Luís Prego

Luís Prego fíxose cargo da dirección artística de Brincadeira en xaneiro de 2004. Leva recompilando bailes e música tradicionais dende o ano 1990. Neste tempo dirixiu e fundou varios grupos que aínda se dedican a traballar en prol da nosa cultura, como son O Fiadeiro e Buxaina. No eido da música, forma parte do grupo Ardentía e colaborou cos grupos Trisquel, Faltriqueira, Muxicas e Anamoura.

Gaita e Percusión: Xoán Porto Guancho