Inicio

Actividades

cartel 2006.jpg

XORNADAS DE PORTAS ABERTAS 2005

24 e 25 setembro cos seguintes OBRADOIROS

  • Xogos e Agarrados: Sábado de 11 da mañá a 2 da tarde, a cargo de Pablo Díaz, compoñente de Ruote. Todos a bailar mazurcas, polcas, valses e enredar e divertirse con xogos cantados.
  • O Baile do Suido: Sábado de 4 a 7 da tarde, Hipólito e Dosi, unha parella da Edreira Vella, no concello de Avión, amósanos o estilo da súa terra, axudados polo noso mestre de baile, Luís Prego
  • Pandeireta: o sábado de 7 da tarde a 9 da noite, Antonio Pérez explicanos o seu arte facendo marabillas coa pandeireta acompañando á gaita. Antonio foi membro de Durindaina, gravou con Fuxan os Ventos e agora é o virtuoso pandereteiro dos Estalotes.
  • Gaita e gaiteiro: No domingo de 11 da mañá a 2 da tarde, o noso mestre de gaita Xoán Porto Guancho acompañado polo señor Xosé Seivane, mestre da feitura das gaitas. Entre os dous, ademais de tocar a gaita, explican modos de tocar e de vivir coa gaita.
  • Feitura de aderezos: Tamén o domingo de 11 da mañá a 2 da tarde, os nosos compañeiros Ana Vidal e Toño López, cóntannos os secretos dos colares ben feitos e ben levados.
    O Domingo pola tarde, dende as 5, rematamos as xornadas cun serán ao final da rúa do Home Santo, ao lado do edificio dos bombeiros.

VINDE TODOS!!!!

Coma o ano pasado, subvencionadas pola Consellería de Cultura e Deporte da Xunta de Galicia.

2004 XORNADAS DE PORTAS ABERTAS

Desenvolvéronse no local social de Brincadeira durante o Sábado e Domingo 7 e 8 de Novembro de 2004, en horario de mañá e tarde, co obxectivo de amosar distintos aspectos da cultura tradicional galega relacionados coa música e baile tradicionais. Foron subvencionadas pola Consellería de Cultura, Comunicación Social e Turismo da Xunta de Galicia.

Fixéronse os seguintes obradoiros:

  • BAILE TRADICIONAL: Mestres: Luís Prego e Pablo Díaz
  • GAITA: Mestres: Pablo Seoane Méndez: o “toque pechado” na gaita galega e Xoán Porto, estilo de dixitación aberta
  • PASAMANERÍA: Mestra: Ana Vidal Santiago
  • PANDEIRETA E PERCUSIÓNS ACOMPAÑANTES AO CANTO TRADICIONAL: Mestra: Felisa Segade Otero
  • PECHE DAS XORNADAS: CELEBRACIÓN DUN SERÁN, que contou coa participación de informantes de primeira man
cartel-60anos.gif

 

2003 ACTOS DE CONMEMORACIÓN DOS 60 ANOS DE BRINCADEIRA

Durante os meses de outubro e novembro organizáronse as seguintes actividades

  • Festival conmemorativo dos 60 anos de Brincadeira. Participaron máis de 100 persoas, bailadores e músicos, que fixeron parte da historia de Brincadeira dende os anos 60 ata a actualidade. Celebrouse no Auditorio de Galicia, o 29 de novembro.
  • Taller de Xogos Populares. Coordinada por Paco Veiga e Xulio Pérez, membros da Asociación Galega do Xogo Popular e Tradicional, tivo lugar o 11 de outubro na compostelá Praza do Toural.
  • Exposición sobre o traxe tradicional galego. Coordinada por Montse Rivera, desenvolveuse no Museo do Pobo Galego do 14 ao 19 de outubro. Como acto de clausura tivo lugar unha táboa redonda que contou coa participación de Juan Luis Riveira como representante dunha tenda dedicada ao traxe tradicional, Xoana Pintos Barral, da Asociación do Traxe Galego, Luís Prego, Director de grupos de baile tradicional e José Antonio Ferreira Lence, Director da Banda de Gaitas de Calo.
  • Charla - mostra sobre os instrumentos tradicionais galegos impartida por Xabier Blanco. Realizouse o 25 de outubro no Hotel Virxe da Cerca.

 

2001/2002 COMPOSTELA FESTIVAL

Celebrado no mes de xullo, dentro da programación das Festas do Apóstolo. A organización é froito da colaboración entre o Concello de Santiago, os grupos composteláns de folclore tradicional Cantigas e Agarimos, Colexiata de Sar, Ultreia e Brincadeira, e a Asociación do Traxe Galego.